موضوع جرئ عن المعاكسات

الموضوع دة جرئ وبالعربي كدة اللي يخاف يروح .........المعاكسات
من الملاحظ بشدة في اليومين دول موضوع المعاكسات واللي بقى مشكلة الدول العربية عامة مش مصر بس لكنة في مصر ملاحظ جداًاًاً
في الاول كانت المعاكسة لطيفة تعبر عن اعجاب الولد بجمال البنت
يعني......إزيك ياقمر .......اية الحلاوة دي ........وكدة يعني
لكن الموضوع تطور مرة ورا التانية واصبح بعدها يصف مفاتنها
يعني.......اية ال-----الكبيرة دي.......شايف البت لابسة بنطلون محرق إزاى.......البت دي بتخليني------وهكذا
وبعدين بقى يكلم البنت نفسها ويقول.....متيجي يا جميل نقضي الليلة مع بعض......هو الجميل منفض لية.....متيجي سوا مع بعضينا ...إلخ
وتطور الموضوع ووصل للسفالة وبقى الولاد يلمسو البنات ويشدوهك من إيديهم ويرزل بإعتراض طريقها
حتى وصل الى القمة والتحرش وإغتصاب البنات علنا زى ماحصل في مصر في شارع جامعة الدول العربية
وفي الآخر الولاد يرمو الذنب على البنات ولبسهم وانهم بيعملولو إستفزاز وحجج فارغة
طب لما هو كدة لية في محجبات بتتعاكس؟؟؟؟والله بتحصل ويقولها يا حلو يا متدين انت .......اموت في المستقيم وهكذا من العبارات الاخرى
والبنات ممكن يردو عليهم لكن دة بيخلي الولد يكمل فيها ويقول ماهو اكثر انتهاكاً للحرمات
ميعرفش ان الله مطلع علية وشايفة ودة هيترد في يوم من الايام لأمة او اختة او حبيبتة او حتى بنتة
والكلام دة مش في مصر بس زى ما قولت........الكلام دة في جميع دول العالم بس منتشر في الدول العربية كلها بلا إستثناء
حتى السعودية بلد الحرمين الشريفين........واتحدى اى واحد يقول محصلش معاكسات او حتى حالات إغتصاب